見工

事源尋日有個電話打黎約我去見工，我記得果封e-mail已經係大半個月前send架，點知重叫我去見咪去下睇下咩環境。一早就搭車去點知轉左兩轉車都仲要行十五分鐘以上先去到，到咗就填下資料咁之後就叫左我入去in，佢就比左個十五分鐘既excel test我做佢就出左去，之後excel呢樣野我其實好少接觸基本上我唔識只好頂硬上，但對於我呢d古惑仔黎講就果然無問題啦，咁岩發覺「最近開啟的文件」有之前d求職者save低左既test答題，之後我就「參考」左幾份集百家之大成完成左呢個test，之後佢繼續in講下d工作細節比我聽，我就發覺佢地請緊既係「超人」要跟好多好多野，對於我唔係做開文職既我又點識做呢，跟住佢就好似想請咁款搵人同我second-in，我見勢色唔對就當然「閃人」啦…Orz