「慳得就慳，奸得就奸。」

本來好耐都無打呢個網誌，咁岩上黎見到網友Lisa嘅留言，對於你遭遇相信對你嘅心情都有一定程度嘅打擊，係餘下上班嘅日子心情都唔會好得去邊。雖然我唔係啲乜野學者，但係我失業對我嚟講都有左一啲睇法，希望可以同大家分享下；本來我係一個從來唔睇書嘅人，而我有一位好好嘅朋友，成日叫我唔好屈係屋企。有一次，佢帶左我去圖書館睇書對我都有左好大嘅啟發，我睇左一本書叫《窮爸爸，富爸爸》內容係講點可以唔靠工作，而達到財務自由。人一生都為錢勞碌，如果一失業又再找工作，再失業再找．．．沒完沒了，說到尾失業與否都是你的老闆控制，你根本就是「肉隨針板上」任人宰割，老闆就當然「慳得就慳，奸得就奸。」